ກ່ຽວກັບເຮົາ

ຈຸດປະສົງການສ້າງຕັ້ງ

ເປົ້າໝາຍ ແລະ ຄວາມມຸ່ງໝັ້ນເພື່ອກ້າວສູ່ການເປັນບໍລິສັດນາຍໜ້າປະກັນໄພຊັ້ນນຳອັນດັບຕົ້ນໆຂອງ ສປປ ລາວ. ເປັນບໍລິສັດທີ່ມີຄວາມໝັ້ນຄົງ ມີຄວາມເປັນມືອາຊີບດ້ານການເປັນນາຍໜ້າປະກັນໄພ ລວມເຖິງເປັນບໍລິສັດນາຍໜ້າປະກັນໄພອອກໄປຕ່າງປະເທດ.

ຈຸດຢືນຂອງ ບໍລິສັດ ເມືອງລາວ ໂບຣຣເກີ້ ຈຳກັດ ທີ່ຕ້ອງການເປັນບໍລິສັດນາຍໜ້າທີ່ຈະສົ່ງມອບຜະລິດຕະພັນປະກັນໄພທີ່ດີ ເຮົາຈິ່ງຕ້ອງສະແຫວງຫາພັນທະມິດທີ່ເປັນບໍລິສັດປະກັນໄພອັນດັບຕົ້ນໆຂອງ ສປປ ລາວ ແລະ ປະເທດຮອບດ້ານຂອງ ສປປ ລາວ ເພື່ອໃຫ້ໝັ້ນໃຈວ່າລູກຄ້າຈະຮັບບໍລິການທີ່ດີ ແລະ ມີຄວາມໝັ້ນໃຈໃນໂຕບໍລິສັດຫຼາຍຂຶ້ນ. ເຮົາເປັນຄົນກາງເຮັດໜ້າທີ່ແທນປະຊາຊົນທັງຄົນລາວ ແລະ ຕ່າງປະເທດທີ່ຕ້ອງການຊື້ປະກັນໄພ ໃນການຄັດເລືອກບໍລິສັດປະກັນໄພທີ່ມີສິນຄ້າແມ່ນສັນຍາປະກັນໄພ ກົງກັບຄວາມຕ້ອງການຂອງລູກຄ້າຫຼາຍທີ່ສຸດ ໂດຍເຮົາຈະເປັນຜູ້ຊີ້ຊ່ອງທາງແນະນຳຂອງບໍລິສັດໃດກໍ່ໄດ້. ບໍລິສັດ ເມືອງລາວ ໂປຣເກີ້ ຈຳກັດ ເປັນຂອງຄົນລາວທີ່ມີການບໍລິຫານງານດ້ວຍຫຼັກຈະລິຍະທຳ ແລະ ຄວາມໂປ່ງໃສ ຍຶດຫຼັກທຳມາພິບານ ແລະ ເພື່ອເປີດໃຫ້ບໍລິການລູກຄ້າ ດ້ານການປະກັນໄພ, ປະກັນຊີວິດ ແລະ ທຸລະກິດທີ່ກ່ຽວຂ້ອງຄົບວົງຈອນ ໂດຍຈະຂະຫຍາຍທຸລະກິດລົງສູ່ທ້ອງຖິ່ນ ສາຂາໃຫ້ຄວບຄຸມເມືອງ, ແຂວງຕ່າງໆ ໃນ ສປປ ລາວ ເພື່ອຕອບສະໜອງຕາມບໍລິການໃຫ້ແກ່ລູກຄ້າ ປະຊາຊົນຢ່າງທົ່ວເຖິງ, ວ່ອງໄວ, ສະດວກສະບາຍດ້ວຍເຄື່ອງມື ແລະ ເຕັກໂນໂລຊີທີ່ທັນສະໄໝ ເປັນມາດຕະຖານສາກົນ ເພື່ອຕອບສະໜອງຄວາມຕ້ອງການຂອງລູກຄ້າໃຫ້ໄດ້ຮັບຄວາມພຶງພໍໃຈສູງສຸດ ລວມທັງສ້າງຄວາມໝັ້ນຄົງຍືນຍົງ ວັດທະນາຖາວອນໃຫ້ກັບສັງຄົມຊຸມຊົນທ້ອງຖິ່ນ ໃນ ສປປ ລາວ.